ᑕᑯᓐᓇᕋᑦᓴᓕᐊᕆᓯᒪᔭᕗᑦ ᐃᓄᒃᑎᑑᕐᖁᑦ, ᐱᓗᐊᕐᑐᒥ ᓄᓇᕕᒻᒥᐅᑦ ᓄᓇᖓᓂ ᐃᓄᑦᑎᑑᕈᓯᖓᓂᒃ ᐊᑐᕐᓱᑎᒃ. ᑖᒃᑯᐊ ᑕᑯᓐᓇᕋᑦᓴᓕᐊᖑᓯᒪᔪᑦ ᓴᓇᔭᐅᓯᒪᕗᑦ ᓄᓇᕕᒻᒥᐅᑦ ᐃᓄᖏᓐᓅᓕᖓᑦᓱᑎᒃ ᐊᒻᒪᓗ, ᑕᐃᒪᐃᒻᒪᑦ, ᖃᓪᓗᓈᑎᑐᑦ ᐊᓪᓚᓯᒪᔪᖃᖕᖏᑐᑦ ᐊᑖᒍᑦ ᖃᓪᓗᓈᑎᑑᓕᕐᑎᕆᔪᓂᒃ. ᐊᒥᓱᑦ ᐃᓄᐃᑦ ᒪᖃᐃᓐᓂᐅᑉ ᐱᐅᓯᖏᓐᓂᒃ ᑐᑭᓯᐊᖕᖏᑐᑦ ᓱᕐᕋᑕᐅᑐᐃᓐᓇᕆᐊᖃᕐᖁᑦ ᑕᑯᓐᓇᓗᑎᒃ ᑖᒃᑯᓂᖓ ᑕᑯᓐᓇᕋᑦᓴᐊᖑᓯᒪᔪᓂᒃ. ᐊᑏ ᑐᑭᓯᒋᑦᓯ ᐱᑦᓯᐊᓗᓯᓗ ᐃᓄᐃᑦ ᐊᑯᓂᐊᓗᒃ ᑕᐃᒪᐃᑦᑐᒥᒃ ᐃᓅᓯᖃᕐᓯᒪᓕᕐᒪᑕ ᐊᒻᒪᓗ ᐱᐅᓯᑐᖃᑦᑕ ᐃᓕᕐᕈᓯᑦᑕᓗ ᐃᓪᓕᕆᔭᖏᑦᑕ ᐃᓚᖓ ᐊᓂᕐᑎᕆᔪᓕᒫᓂᒃ ᑲᒪᒻᒪᑕ ᐱᑦᓯᐊᓱᒋᑦ ᐅᐱᒋᑦᓱᒋᓪᓗ. ᐃᓄᐃᑦ ᐆᒪᔪᕐᓂᐊᓕᑐᐊᕋᒥᒃ, ᐆᒪᒐᓱᐊᕐᓂᒨᓕᖓᑐᐃᓐᓇᓱᓂ ᐆᒪᔪᕐᓂᐊᓂᐅᕗᖅ, ᐆᒪᔪᕐᓂᐊᒐᓚᑐᐃᓐᓇᓂᐅᒐᓂ. ᐆᒪᔫᑉ ᐃᓘᓐᓇᓕᒫᖓ ᓂᖏᕐᑕᐅᓲᒍᕗᖅ ᐊᓯᐸᑕᐅᒐᓂᓗ.